Les mots surlignés font l'objet d'une note
1Messieurs, je feuz advertye la nuyt avant la passée que les
2rebelles remontoit seur ce païs. A ce soir, jay heu adviz aseuré
3par le raport de ceux qui en sont veneuz, quylz hont asiégé
4bauffor. Il cest trouvé une lettre que Piere Gourde escripvit
5aux garnizons quilz tienent commandent expressement quilz
6hussent à ce randre pour le jourduy tent quavalerye que
7enfanterye davent ledit Bauffor où ilz pourront alors destre
8de forces en viron huit sens hommes et quen peu de temps
9ilz seront plus de deux ou trois mylle. Le capitène La
10Garene aen voié en diligence querir de la poudre et
11souffre aient heu adviz quilz y vouloit ausi aller lasiéger.
12Dieu luy donne le myeulx garder que Ternons. Je
13filz, tout ausi tost que je seuz quilz venoit, aller ung
14souldart pour les recongnoistre. Il est veneu à ce soir
15et dit quen ce quil a peu voir, ilz sont en nombre de cinq
16à six sens. Je y ay renvoyé. Ce que gen pourè savoir
17vous en serés adverty cy le merite. Je ne voy que
18tous à voir loyl [l'oeil] à ce bien garder et prier Dieu qui
20nous aye en sa protecion car je ny voy aultre
21experances cy elle ne vientde Viennes. Je suis icy aveques
22mon peuple que fezons le myeulx que nous
23pouvons ce gardent des ungs et ne ce fier aux aultres.
24Voylà, mesieurs, où ce païs est roduit. Je me recommande
25à voz bonnes graces, prient Dieu vous advoir en sa
26garde. De Tournon, ce XVIIIe decembre 1573.
27Votre affectionnée voisine et bonne amye.
28Claude de Turenne